Мирасыбызны саклыйк!

miras.belem.ru – “Белем.ру” Интернет-белем алу үзәгенең электрон китапханәсе. Әлеге проектта Сез татар әдәбиятының уникаль әсәрләрен электрон вариантта таба алачаксыз. Максатыбыз – татар халкының әдәби мирасын популярлаштыру, таныту. Биредә татар әдәбиятының классик саналган авторлары турында мәгълүмат, аларның әсәрләренең тулы варианты тәкъдим ителә.

Сайт шулай ук авыл җирлегендә укучы балалар һәм укытучылар өчен атап ясалды. Чөнки бай әдәби архивы булган китапханәләр күп түгел. Укучыларга сайтны куллану уңайлы булсын дип, барлык әсәрләр дә мәктәп программасы нигезендә чорларга яисә сыйныфларга төркемләп бирелә.

Сайтта шулай ук реферат өчен материаллар, яңа гына “табадан” төшкән китап-дәреслекләр турында рецензияләр урнаштырылачак. Проект даими яңартылып килә. Әгәр дә теге яки бу әсәрне таба алмыйсыз икән, аңа игълан калдыру мөмкин.

Ихтирам белән, “Белем.ру” коллективы

Әдәби мирас

САБЫЙГА

Автор: 
Габдулла Тукай

Һич сине куркытмасыннар шүрәле, җен һәм убыр;

Барчасы юк сүз; аларның булганы юктыр гомер.

АҢЛАТМА: "Сабыйга" шигыренең аудио нөсхәсе Татарстан Республикасының Мәдәният министрлыгы чыгарган "Күренекле шәхесләр" җыентыгыннан алынды. Әсәрне Фоат Галимуллин укый.

Әлифба

Автор: 
Разил Вәлиев

Рәшит Абдуллин музыкасы

Әлифбам — тормышта

Беренче баскычым:

Син — белем дөньясын

Ачучы ачкычым.

Кушымта:

Әлифба, Әлифба,

Син минем юл башым.

Дәфтәргә төшердең

Күктәге кояшым.

МӨКАДДИМӘ

Автор: 
Габдулла Тукай

И, көләч йөзле малай!

Йөргән малай яланаяк...

"Мөкаддимә" шигыренең аудио нөсхәсе Татарстан Республикасының Мәгариф министрлыгы заказы буенча чыгарылган "Габдулла Тукай. Шигырьләр" аудиоҗыентыгыннан алынды.

ӘЙБӘТ ТӘ МИНЕМ ӘБИ

Автор: 
Фәнис Яруллин

Ни тотса шуны булдыра –

Минем әбием шәп тә!

Аның эшләгән эшләрен

Бетералмам сөйләп тә.

   Төймәне өздереп кайтсам,

   Тагып бирә шалт кына.

   Галстугымны югалтсам,

   Табып бирә ялт кына.

БУРАН

Автор: 
Габдулла Тукай

Тик кенә торганда капланды томанга бар һава:

Кар оча, кар себерелә, кар котрына һәм кар ява. ...

"Буран" шигыренең аудио нөсхәсе Татарстан Республикасының Мәгариф министрлыгы заказы буенча чыгарылган "Габдулла Тукай. Шигырьләр" аудиоҗыентыгыннан алынды.

ТӘЛӘҺҺЕФ

Автор: 
Габдулла Тукай

Мәлганәт, пычрак вә ялган берлә тулган безнең эч;

Бар начарлыктан, бозыклыктан гыйбарәт безнең эш. ...

"Тәләһһеф" шигыренең аудио нөсхәсе Татарстан Республикасының Мәгариф министрлыгы заказы буенча чыгарылган "Габдулла Тукай. Шигырьләр" аудиоҗыентыгыннан алынды.

...Гафу кылгыл гөнаһымны

Күңлем кошы очар даим канат тукыб,

Ике күзем нәдамәтдә канлар түкеб,

Тән үлтереб, риазәтдә тезен чүкеб, –

Йа иляһи, гафу кылгыл гөнаһымны.

Наданлыкда кылган эшем барча хата,

Тәүбә, тәкъсыйр әйдәмәдем йакам тота,

Гәрдәнемгә тоук йаңлигъ салыб фута,-

Йа иляһи, гафу кылгыл гөнаһымны.

RSS-материал