Мирасыбызны саклыйк!

miras.belem.ru – “Белем.ру” Интернет-белем алу үзәгенең электрон китапханәсе. Әлеге проектта Сез татар әдәбиятының уникаль әсәрләрен электрон вариантта таба алачаксыз. Максатыбыз – татар халкының әдәби мирасын популярлаштыру, таныту. Биредә татар әдәбиятының классик саналган авторлары турында мәгълүмат, аларның әсәрләренең тулы варианты тәкъдим ителә.

Сайт шулай ук авыл җирлегендә укучы балалар һәм укытучылар өчен атап ясалды. Чөнки бай әдәби архивы булган китапханәләр күп түгел. Укучыларга сайтны куллану уңайлы булсын дип, барлык әсәрләр дә мәктәп программасы нигезендә чорларга яисә сыйныфларга төркемләп бирелә.

Сайтта шулай ук реферат өчен материаллар, яңа гына “табадан” төшкән китап-дәреслекләр турында рецензияләр урнаштырылачак. Проект даими яңартылып килә. Әгәр дә теге яки бу әсәрне таба алмыйсыз икән, аңа игълан калдыру мөмкин.

Ихтирам белән, “Белем.ру” коллективы

Әдәби мирас

КОЛ ҺӘМ АЛПАВЫТ

Автор: 
Татар халык әкиятләре

Элекке заманда кешеләрне бик кызык кына хөкем иткәннәр, ди. Бер кеше кечкенә генә ялгышлык эшли икән — аны судка биргәннәр. Гаебе зурмы, кечкенәме, аны тикшереЭлекке заманда кешеләрне бик кызык кына хөкем иткәннәр, ди. Бер кеше кечкенә генә ялгышлык эшли икән — аны судка биргәннәр. Гаебе зурмы, кечкенәме, аны тикшереп тормаганнар. Бүреккә «үтерергә», «коткарырга» дип ике кәгазь язып салып, гаепле кешегә шуның берсен алырга кушканнар.

Юл буенда зәңгәр чәчәк (кыйсса)

Автор: 
Рабит Батулла

Алиһә

Җир башына килеп җиткәч, Айдаш баба атларны чирәмгә җибәрде. Үзе басу кырында моңаеп торучы урак машинасын көйли башлады. Атлар ара-тирә пошкыра-пошкыра, салмак кына печән кыркый. Маллар тирәсендә канга сусаган бөҗәкләр кайнаша. Бөҗәкләр ач – кан эчәргә тели. Бичара малкайлар тибенә, койрыклары белән үз тәннәренә сыдырып-сыдырып алалар. Кигәвеннәр бигрәк тә Рикәкәгә каныга. Рикәкә – күтәрәмнән мантып килүче карт алаша, канечкечләр белән көрәшүе аңа үтә кыен. Картаеп беткән атның арык тәненә йөзләп чебен, кигәвен, әллә ничә бөгәлчән ябышкан. Чебененә атның әллә ни исе китми китүен, кигәвененә дә түзәр иде әле, әмма да бөгәлчәнгә чыдый алмый хайван, бичара. Бөгәлчән ябышса, хәле беткән атны түгел, үлеп ята торган хайванны да сикертеп торгызыр, валлаһи.

ШАГЫЙРЬГӘ

Автор: 
Дәрдемәнд

Ничөн бу хиддәт, и шагыйрь,

нәдер бу ярганың ярма?

Эчеңдә бармы йә бер чир,

вә йә синдә күңел тарма?

КУАНДЫ ИЛ...

Автор: 
Дәрдемәнд

Куанды ил, канат какты мәләкләр,
Шашып, аң-таң булып шайтан төкерде!..
Җитәр, җилкенмә, йолкынма, күңел, син,
Кияү булсаң да, ул туйга түгел син!
 

ӘБҮГАЛИСИНӘ КЫЙССАСЫ

Автор: 
Каюм Насыйри

«Әбүгалисина китабы» дип мәгьруф «Кәнҗинәи хикмәт» исемле китапның мосаннифы әйтәдер: ошбу китапны тасниф итмәгә вә язмага сәбәп вә багыйс ошбудыр ки, бу фәкыйрь вә хәкыйр Зыятдин Сәед Яхъя, ничә мәгърифәт иясе адәмнәр белән күрешеп, дәрес арасында Әбүгалисина хакында ничә гаҗаеп хикәятләр вә гараип риваятьләр ишетеп вә тыңлап утырган заманда: «Әбүгалисина кыйссасын үз алдына бер китап итеп язсам икән», — дип, һәрзаман күңелемә килер иде.

АВЫЛ

Автор: 
СӘГЫЙТЬ РӘМИЕВ

Әй, авыл, син мең шәһәрдән. Мең кабат ямьле вә хуш:

Бер кеше юк бер урамда... Нинди тын һәм нинди буш. ...

Татарстан Республикасы Мәгариф һәм фән министрлыгы заказы буенча чыгарылган "Татар әдәбияты дәресләренә фонохрестоматия (5-11 сыйныфлар)" аудиоҗыентыгыннан алынды.

ДАҺИГА

Автор: 
Габдулла Тукай

Күз карашыңда синең дөнья күренде мәңге төн.

Киттең эзләп син аны яктыртмага идеал утын.

АҢЛАТМА: "Даһига" шигыренең аудио нөсхәсе Татарстан Республикасының Мәдәният министрлыгы чыгарган "Күренекле шәхесләр" җыентыгыннан алынды. Әсәрне Празат Исәнбәт укый.

RSS-материал