Бик тиздән “Әкият” Татар дәүләт курчак театрында Яңа ел тамашалары башланып китәчәк. Спектакльләр 20 декабрьдән алып, 1 гыйнвардан кала, көн саен, 11 гыйнварга кадәр барачак.

Иң нәни тамашачылар өчен “Кыш бабай бүләкләре” (Н.Абрамцева, татарчага Ләбиб Лерон тәрҗемә иткән) спектакле, шулай ук “По щучьему велению” (Е.Тараховская), “Волшебные снежинки” (М.Супонин), “Подарки Деда Мороза” (Н.Абрамцева) спектакльләре тәкъдим ителәчәк.

Әкияти фойеда балаларны бәйрәмчә итеп бизәлгән чыршы көтә. Аның тирәсендә Кыш Бабай һәм Кар кызы һәм башка әкият персонажлары катнашында традицион бәйрәм булачак, дип хәбәр итә театр матбугат хезмәте.