Агымдагы елның 25нче мартында Казанда шушуы исем астында фәнни-гамәли конференция узачак. Чарага мәгариф идарәләре органнары белгечләре, мәктәпкәчә белем бирү белән шөгыльләнүче Мәгълүмати-методик үзәк методистлары, педагогия уилищелары һәм көллиятләренең мәктәпкәчә белем бирү бүлеге мөдирләре чакырыла.

Җыен эше Совет районының 29нчы прогимназиясендә һәм Идел буе районының 357нче балалар бакчасы базасында, 2 секциягә бүленеп оештырылачак.

Программада республикабызның тәҗрибәле пелагоглары белән аралашу, алар тарафыннан мастер-класслар уздыру, сабыйларга телләр өйрәтүдә төрле нәтиҗәле методлар һәм чаралар кулланып уздырылган ачык дәресләр карау планлаштырылган.

Конференциянең пленар утырышы Казанның Мәгариф хезмәткәрләре йортында узачак. Биредә дә күптөрле мәсьәләләр күтәреләчәк. Әйтик, Мәгариф һәм фән министрлыгы, мәгариф идарәләре, уку йортлары һәм мәктәпкәчә белем бирү оешмалары педагогик коллективларының балаларны татар, рус һәм чит телләргә өйрәтү эшчәнлеге мәсьәләләре. Бу турыда Татарстан Республикасының Мәгариф һәм фән министрлыгы хәбәр итә. Республикакүләм конференциясенә йомгак буларак резолюция кабул ителәчәк.