Бүген Татарстан Республикасының Мәгариф һәм фән министры Альберт Гыйлметдинов Яр Чаллы шәһәре мәгариф системасы белән танышты. Министр әүвәл башкарма комитет җитәкчесе Васыйл Шәйхразиев белән очраша. Сүз өлкәнең якын арага үсеш перспективалары турында бара.

А.Пушкин исемендәге лицейда исә Альберт Гыйлметдинов Яр Чаллы мәгариф оешмалары директорлары белән аралаша, диелгән шәһәрнең рәсми сайтында.

Район башкарма комитеты җитәкчесе урынбасары Рамил Хәлимов сүзләренә караганда, районда мәгариф оешмаларның 30 проценты автоном рәвештә эшләү режимына күчкән. Ә бу, үз чиратында, финанс һәм идарә ресурларын нәтиҗәле кулланырга, мөгаллимнәргә хезмәт хакын яңача түләргә мөмкинлек бирә икән.

Өстәмә белем бирү оешмаларының норматив финанслауга күчүе, серфтикат кертү балаларның төрле профилле оешмалар өчен чынлыкта нинди бәягә төшүен ачыкларга, төрле түгәрәк һәм секцияләргә укучыларны беркетү һәм бюджет акчаларын рациональ рәвештә тоту мәсьәләләренә ачыклык кертергә булыша. Министр сүзләренә караганда, Республика Президенты өлкә алдында зур мәсьәләләр куйган. Сүз Президент статусына ия булачак комплекслы мәгариф программасын булдыру турында бара. Максат – Татарстан мәгариф системасын регионнар арасында иң сыйфатлы итү.