11нче май көнне Казанның 5нче балалар музыка мәктәбендә күптән түгел генә ачылган “The Road” рок мәктәбенә кабул итү имтиханнары башланды. "Шушы мәктәп укытучылары һәм Казанның танылган музыкантларыннан торган мәртәбәле комиссия укырга теләк белдерүчеләр арасыннан нибары 30 баланы гына сайлап алачак", - дип хәбәр итә "Татар-информ". Төгәлрәге, рок мәктәбендә электрогитара, бас-гитара, бәрмә установка, клавишалар (синтезатор), вокал белгечлекләре буенча нибары 6шар гына укучы кабул ителәчәк.

Әлеге чара кысаларында рок мәктәбенә Казан рок антологиясе - “Безнең вакыт авазлары”/”Звуки нашего времени” дип аталган китап тантаналы рәвештә аның авторы Вячеслав Лопатин тарафыннан тапшырылуы планлаштырыла.