“Язмыш” сүзе бик зур мәгънәгә ия икән, шулай бит, укучылар. Бүген без бик күп төрле язмышка дучар булган кешеләр турында сөйләшербез. Иң беренче кереш өлешен сәхнәләштерүне карап үтик. (3-5 нче битләрне). Өзек буенча кыскача гына фикер алышу.

Язучы ни өчен чишелеш өлешен иң беренче биргән? Фикерләр тыңлана. Укучыны кызыксындыру өчен кебек фикерләр әйтелә.

Төркемнәрдә эш тәкъдим ителә.

I төркемгә сораулар:

1. Гыйльметдин белән Гөлҗиһанның язмышы шундый булуына кем гаепле дип уйлыйсыз?

2. Әүхәт белән Фәймә арасында мәхәббәт бармы? Әүхәт бу хискә ияме?

3. Язучы әсәрдә бик күп мәкаль һәм әйтемнәр кулланган, шуларны табып, мәгънәләрен аңлатыгыз. (37-41 нче битләр).

- “Хәерченең бәхет янчыгы тумыштан тишек”

- “Ил төкерсә, күл булыр”.