Татарстан Республикасының Мәгариф һәм фән министрлыгы тарафыннан игълан ителгән “Иң яхшы татар теле һәм әдәбияты кабинеты” республикакүләм бәйгесе ахырына якынлаша. Хәзерге вакытта конкурс район җирлекләрендә уза. Бәйге 3 этапта үткәрелеп, агымдагы елның ноябрь аенда тәмамланачак.

Министрлыкның милли мәгариф һәм регионара хезмәттәшлек бүлегенең төп консультанты Гәүхәр Әхмәдуллина хәбәр иткәнчә, «Иң яхшы татар теле һәм әдәбияты кабинеты» республикакүләм бәйгесе 2004 – 2013 елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү буенча Татарстан Республикасы дәүләт программасын гамәлгә ашыру максатында үткәрелә. Һәм укыту - тәрбия процессында татар теле һәм татар әдәбияты кабинетларының эшчәнлеген активлаштыру, алдынгы тәҗрибәне барлау һәм республика күләмендә тарату; укучыларда татар теле һәм әдәбиятын өйрәнүгә кызыксыну уяту чарасы булырлык үрнәк кабинетларны ачыклау; иҗади эшләүче укытучыларның хезмәтләрен бәяләү һәм мәгълүмати- методик ярдәм күрсәтү максатын куя.

Чыганак: www.tat.tatar-inform.ru