Һәр чор үз талантларын тудыра, әдәбиятка яшьләр килә тора. Ләкин сүз сәнгате яшьлеккә ташлама ясамый. Әдәбият мәйданына килдеңме, өлкән каләм ияләре белән бил алышырдай булсаң гына түрдән уз. Алай гына да түгел, яңа буыннан яңа сүз, югарырак дәрәҗәдә фикерләү таләп ителә. Үсеш — алмашка килүчеләрнең талант дәрәҗәсе белән билгеләнә. Ринат Мөхәммәдиев бу таләпләргә шәхес буларак та, иҗатчы буларак та туры килә.