Татар мәгарифе порталы
Сез монда
Төркия югары уку йортларында белем аласың киләме? Казанда 20 апрель көнне нәкъ шундыйлар өчен сайлап алу туры имтиханнары (TCS) узачак. Ике шарт бар: беренчесе, синдә мәктәпне тәмамлау турында аттестат булырга тиеш, икенчесе, 21 яшьтән дә өлкән булмау мөһим.
“Имтиханны ике тесттан оештырдык. Беренче тест мәктәп программасына кергән фәннәр нигезендә төзелгән, ул 100 сораудан тора. Икенче тест укучының төрек теле белемен тикшерү өчен үткәрелә. Махсус татар–төрек лицейларын бетермәгән балалар икенчесен тапшырмаячак. Ә инде аны уңышлы узганнар турыдан төрек телле университетка укырга алына. Төрек телен белмәүчеләр исә телне бер еллык хәзерлек курсында үзләштерәчәк, - дип сөйләде Татарстан Республикасы Мәгариф һәм фән министрлыгының халыкара эшләр бүлеге хезмәткәре Ильяс Гайнетдинов.
Биредә укыту системасы 4 еллык программа нигезендә алып барыла. Бу вакыт эчендә студентлар бакалавр исемен ала, өстәп тагын ике ел укыса, магистр дәрәҗәсен алырга мөмкин.
Түләүгә килгәндә, Ильяс әфәнде әйтүенчә, Мәгариф һәм фән министрлыгы җибәргән студентлар бушлай белем алачак. Булачак студентларга тулай торак, аена 80-90 АКШ доллары күләмендә стипендия дә каралган. Университетларга килгәндә, бу Истамбулдагы инглиз телле Мармара һәм Боазичи, Анкара шәһәрендәге Орта Догу Текник һәм Билкент университетлары. Арада төрек телле югары уку йортлары да бар, әйтик Измир һәм Анкара университетлары. Факультетлар арасында бар да бар: хокук, халыкара мөнәсәбәтләр, банк эше, менеджмент, журналистика, филология һ.б. Хәзер Төркия уку йортларында 37 студент бакалавриатта, 67се магистратурада, кайберәүләр аспирантурада белем ала.
Гаризаларны 18 апрельгђ кадђр ТР Мђгариф џђм фђн министрлыгында (45 кабинет) кабул итђлђр. Тулырак мђгълњматны 292-64-86 телефоны буенча белеп була.
- Караулар саны: 4588
- Бастыру