Татар мәгарифе порталы
Сез монда
Җәйге каникулларга да күп калмады. Син инде күптән җәйге лагерьлар турында уйлана башлагансыңдыр? Бәлки инде планлаштыргансыңдыр да инде? Ләкин арагызда җәйге лагерьны сайлап өлгермәгәннәр дә бардыр?
Сезгә махсус Татарстан Республикасының Мәгариф һәм фән министрлыгы, Татарстан Республикасының Яшьләр эшләре, спорт һәм туризм буенча министрлыгы оештырган стационар лагерьлар исемлеген тәкъдим итәбез. Биредә җәйге лагерьларның исемлеге, аларның адрес һәм телефоннары, ял итү урыннарының сыешылыгы турында мәгълүмат алып була.
2008 елда балаларның җәйге ялын тиешле дәрәҗәдә оештыру өчен республика бюджетыннан 200 меңнән артык акча бүленеп бирелгән иде. Ә Россиянең республикабыздагы Социаль иминият фонды балалар ялына – 270 мең сум акча күчергән. Шуңа күрә, ата-аналар юлламаларның бер өлешен гаенә түләячәк. Мисал өчен, 18 көнлек стационар ял итү лагерьларына юллама бәясе уртача 6783 сумга төшәчәк. Әти-әниләр бу бәянең нибары 17 процентын, ягъни уртача 1200 сумын түләргә тиеш.
Шәһәрдә торучы, яисә авыл мәктәбендә белем алучы кыз яисә малаймы син мөһим түгел, юллама алу өчен район мәгариф я яшьләр эшләре бүлегенә мөрәҗәгать итәргә кирәк.
Анапа, Кырым лагерьларында ял итүне күпләр тормышка ашмаслык хыялга саный. “Җәй” республика үзәгенең мәгълүмати-методик бүлек башлыгы Римма Әхтәриева: “Черноморец” сәламәтләндерү комплексына юлламалар Татарстанның һәр муниципаль районына бүленеп бирелә. Аларны алу өчен даими районның яшьләр эшләре бүлегенә шалтыратып торырга кирәк”, - диде.
Беркетелгән файл | Күләме |
---|---|
Лагерьлар исемлеге | 18.12 KB |
- Караулар саны: 4143
- Бастыру