Татарстан мәгариф һәм фән министрлыгы "Яңа гасыр" телеканалында махсус тапшырулар башлап җибәрергә җыена. Бу тапшырулар атнага бер тапкыр эфирга чыгачак.

"Бу тапшыру мәгриф тармагындагы хәлләр, укытучыларның уңай тәҗрибәсе, яңалыклар турында сөйләячәк, гомумән алганда, мәгариф тормышын бөтен яклап яктыртырга җыенабыз", дип белдерде министрлыкның матбугат һәм җәмәгатьчелек белән эшләү бүлеге башлыгы Алсу Мөхәммәтова. Аның сүзләренчә, тапшыруларда җитешсезлекләргә, тәнкыйтькә дә урын булачак.

Министрлык тапшыруларны ноябрь аенда эфирга чыгарырга җыена. Тапшырулар башта татар телендә булачак, ә аннан соң аерым рус телендә дә тапшырулар булачак. "Бу көннәрдә тапшыруның төзелешен булдыру өстендә эшләр бара, исемен дә уйлыйбыз", диде Мөхәммәтова.

Чыганак: http://tatarile.org