Тактада аклы-каралы яшелчәләр рәсемнәре.

- Сезгә рәсемнәр ошыймы?

- Сез нәрсәләр үзгәртер идегез? (Төрле төсләргә буяр идек.)
Төрле төстәге акбурлар ярдәмендә укучылар яшелчә рәсемнәрен төрле төсләргә буйыйлар.

- Безнең рәсем нишләде? (Матурайды.)

- Хәзер төслелекне, матурлыкны сүзләр белән әйтеп карагыз.
Укучылар яшелчәләрнең төсләрен, формаларын әйтеп, сүзтезмәләр төзиләр.

- Сүзтезмәләр төзегәндә сез кулланган сүзләр нинди сорауга җавап бирделәр? (Нинди? - Какой? Какая? Какое?)

- Алар нәрсә белдәрә? (предметның төсен, формасын)

- Мондый сүз төркеме рус телендә ... (имя прилагательное), ә татар телендә ... (сыйфат) дип атала.

- Барыгыз да булдырдыгыз! Хәзер, әйдәгез, экранга карап, сыйфат турында әйткәннәрне кабатлап китик.