Татар мәгарифе порталы
Бүген, 2013 елның 31 октябрендә Татарстан Республикасы җирле халкының матди булмаган мәдәни мирасын саклап калу, торгызу һәм популярлаштыру максатларында Татарстан Республикасы Мәдәният министрлыгының «Мәдәни сәясәтнең өстенлекле юнәлеше – ТР халыкларының матди булмаган мәдәни мирасын саклап калу» дип аталган коллегиясе утырышы булды.
Коллегия эшендә Татарстан Республикасы Дәүләт Советының Мәдәният, фән, мәгариф һәм милли мәсьәләләр комитеты рәисе Разил Вәлиев, Татарстан Республикасы Министрлар Кабинеты Аппаратының Татарстан Республикасы халыклары мәдәнияте һәм телләрен үстерү бүлеге башлыгы Гөлшат Нигъмәтуллина, «КазанКремле» дәүләттарих-архитектура һәм сәнгать музей-тыюлыгы директоры Зилә Вәлиева, фәнни үзәкләрдән галимнәр һәм Казан шәһәренең югары уку йортлары укытучылары, район администрациясе башлыкларының социаль мәсьәләләр буенча урынбасарлары, ТР муниципаль берәмлекләре Башкарма комитетларының Мәдәният идарәләре башлыклары һ.б. катнашты.
Коллегия утырышын Айрат Сибагатуллин ачып җибәрде. Ул Татарстан Республикасы мәдәниятенең бүгенге торышы турында сөйләде, Татарстан Республикасы халкының матди булмаган мәдәни мирасын саклап калу һәм торгызу буенча алда торган бурычларны билгеләде.
Шулай ук Татарстан Республикасы Президенты Аппараты Җитәкчесе урынбасары – Татарстан Республикасының Эчке сәясәт мәсьәләләре департаменты җитәкчесе Александр Терентьев, Россиянең Дәүләт халык иҗаты йорты генераль директоры, профессор, сәнгать белеме кандидаты, РФ Атказанган сәнгать эшлеклесе, РФ Хөкүмәтенең Мәдәният өлкәсендә премиясе лауреаты Тамара Пуртова чыгыш ясады.
Коллегия утырышының ахырында «Татарстан Республикасы халкының матди булмаган мәдәни мирасын саклап калу турында» закон проектын һәм «Татарстан Республикасы халкының матди булмаган мәдәни мирас объектлары реестры турында» нигезләмә эшләү буенча эш төркеме булдыру, шулай ук 2014 елда Татарстан Республикасы муниципаль районнарында матди булмаган мәдәни мирас объектларына беренчел мониторинг уздыруның кирәклеге билгеләп үтелде.
Чыганак: http://mincult.tatarstan.ru/tat