Шушы көннәрдә Алабуга районының социаль мәсьәләләр буенча башкарма комитеты җитәкчесе Елена Соловьева Германиядән кайтты. Алабуганың 3нче мәктәбе директоры Ирина Смирнова белән алар Бавариядә урнашкан Вальхайм шәһәрчегендә булганнар. Биредә алар җирле мәктәп укучылары һәм укытучылары белән очрашуда булган. Баксаң, әлеге мәктәптә рус телен дә укыталар икән.

Бик тиздән Вальхайм шәһәре бургомистры Инге Ремешем җитәкчелегендәге делегация Алабугага киләчәк. Очрашуда шулай килешкәннәр. Алабуга белән немец шәһәрчеге Вальхайм арасында элемтә урнашу юкка түгел. Мәктәп җитәкчеләре укучыларны алмашу проектын әзерлиләр. ПРоектның нечкәлекләре әлегә билгеле түгел. Иң элек немецтелен укытучы мәктәпләрдә ата–аналар җыелышлары үткәреп, фикерләр тупларга кирәк. Каршы як та җирле халыкны бу мөмкинлек белән таныштырырга тиеш.

tatar-inform сайты ярдәмендә әзерләнде