Татар мәгарифе порталы
Сез монда
Быел янгын чыгу сәбәпле 7 баланың гомере өзелде. Барлыгы балалар шаяруы яисә ут белән саксыз кылануы аркасында республикабызда 52 янгын чыккан, узган елның шушы чорында якты дөньядан киткән балалар 5 кә тигез булган. Балаларга республика мәгариф оешмаларында тиешле дәрәҗәдә янгыннан саклануны өйрәтмиләр. Мондый нәтиҗәне күптән түгел Татарстан Республикасында гадәттән тыш хәлләрне кисәтү, юкка чыгару һәм янгын куркынычсызлыгын тәэмин итү, Татарстан Республикасының гомуми белем бирү оешмаларын 2008-2009 яңа уку елына әзерләү комиссияләрнең уртак утырышында яңгыраган фактларга нигезләнеп чыгарып була.
Татарстан Республикасының янгын күзәтчелеге буенча баш дәүләт инспекторы Таһир Кәримуллин: “Мондый тискәре вәзгыятьнең алшарты, иң элек, гомуми белем бирү оешмаларында укучыларны янгыннан саклануга тиешле дәрәҗәдә өйрәтмәвеннән гыйбарәт. Мәгариф учакларында янгын куркынычсызлыгы торышының да канәгатьләнерлек булмавы борчый”, - диде.
Баксаң, мәгариф оешмалары уку елы дәвамында дәүләт янгын күзәтчелеге тәкъдим иткән 10336 янгынга каршы чара уздырырга тиеш булган. Бүгенге көнгә әлеге профилактик чараларның 5629 гына узган.
Ләкин проблемалар моның белән генә бетми. Таһир Кәримуллин сүзләренә караганда, 2007–2008 уку елында Татарстанның 1600дән артык мәктәбендә автоматик янгын чыгу сигнализациясе системасы төзек түгел, 1182 мәктәптә кешеләргә янгын турында хәбәр итү җайланмасы урнаштырылмаган. 500гә якын мәгариф оешмасы су челтәре белән тәэмин ителмәгән. Бу аеруча Аксубай, Буа, Теләче, Әлки районнарына кагыла. “Тәрәзәләрдә металл рәшәткәләр аркасында кешеләрнең күпләп янып үлүенә китергән янгыннарга да мисаллар бихисап”, - ди Таһир Кәримуллин.
“Татар–информ” материаллары буенча ђзерлђнде