Россиядә яшь галимнәргә торак сертификатларын бирә торган программа тагын өч елга озайтылырга мөмкин. Бу хакта Федераль фәнни оешмалар агентлыгы карамагындагы Фәнни-координация советы утырышында агентлыкның башлыгы Михаил Котюков хәбәр итте, дип яза ТАСС мәгълүмат агентлыгы.

2014 елда яшь галимнәргә 141 торак сертификаты тапшырылган, 2015 елда - 194, ә 2016 елда - 154. Агентлыкның бюджетында тагын алдагы өч елга берничә йорт һәм тулай торак төзелешен төгәлләү өчен финанс чаралары салынган. “Без аларны ике ел эчендә төзеп бетереп, яшь галимнәргә тапшырырга тиешбез”, - дип вәгъдә итә Михаил Котюков. Федераль фәнни оешмалар агентлыгы махсус торак фондында хәзерге вакытта 1446 күчемсез милек объекты исәпләнә.