2008-2009 уку елында Татарстан мәктәпләрен тәмамлаучылар чыгарылыш имтиханнарын БДИ һәм БРИ рәвешендә генә тапшырырга тиеш. Ләкин искәрмәләр дә юк түгел. Бер төркем укучылар өчен ташламалар каралган.

Әлеге исемлеккә кемнәр керә соң? Бу - ябык саналган махсус уку-тәрбия оешмаларының 11нче сыйныфын тәмамлаучылар, иректән мәхрүм ителгәннәргә җәза бирүче оешмалар карамагындагы уку йортларында белем алучылар, сәламәтлек ягыннан мөмкинлекләре чикләнгән кызлар-егетләр. Шул ук вакытта үз теләкләре белән алар чыгарылыш имтиханнарын БДИ формасында бирергә дә хокуклы.

Тагын бер мәгълүмат! Бердәм дәүләт сынаулары 25нче айдан да иртәрәк башланырга тиеш түгел. Бары армия сафларына чакырылучы, чит илгә китәргә җыенучылар (даими яшәү яисә укуларын дәвам итү сәбәпле) һәм Россия, халыкара масштабта уздырылган чараларга баручы яшьләр генә сынауны 20нче апрель тирәләрендә узачак.