Татар мәгарифе порталы
Сез монда
17-19 августта Алабугада XI Халыкара мәктәп укытучылары фестивале була. Халыкара мәктәп укытучылары фестивале 10 ел дәвамында Казан федераль университетының Алабуга институты базасында Татарстан Мәгариф һәм фән министрлыгы ярдәмендә үткәрелә. Бу турыда Татарстан Мәгариф һәм фән министрлыгы матбугат хезмәте хәбәр итә.
Быелгы фестивальнең эш юнәлешләре итеп укытучының эмоциональ «януын» профилактикалау, XXI гасыр дәресе: белем бирү нәтиҗәләренә федераль дәүләт белем бирү стандартлары таләпләрен исәпкә алып, максатларны һәм бурычларны билгеләү, XXI гасыр мәктәбе өчен дәреслек, XXI гасырда тәрбия: яңа мәсьәләләр, белем бирү процессларын медик-педагогик тәэмин итүне оештыруга комплекслы якын килү билгеләнгән.
Фестиваль кысаларында пленар сессия, заманча белем бирү өлкәсе галимнәре һәм белгечләреннән ачык лекция, түгәрәк өстәл, эшлекле уен, фән өлкәләре буенча мастер-класс, тренинг, эксперт практикум, дискуссия мәйданчыгы, мәдәни һәм сәламәтләндерү программасы, укыту-методик әдәбият ярминкәсе, иҗади һәм профессиональ конкурс узачак.
Быел форумга Россиянең төрле төбәкләреннән 500дән артык укытучы киләчәк. Россия, АКШ, Бөекбритания, Германия, Беларусь, Казахстан һәм Эстониядән белем һәм тәрбия өлкәсе галимнәре, педагоглары һәм әйдәп баручы белгечләреннән йөздән артык мастер-класс узачак. Быел беренче тапкыр онлайн катнашу мөмкинлеге дә каралачак.
Татарстан Мәгариф һәм фән министрлыгы фестивальгә кушылырга, XI Халыкара мәктәп укытучылары фестивалендә катнашырга чакыра.
фестивальучителей.рф һәм fest.kpfu.ru рәсми сайтларында төгәл мәгълүматны табарга, актуаль яңалыкларны белергә һәм форумга теркәлергә мөмкин.
Фото: https://mon.tatarstan.ru