Татар мәгарифе порталы
Сез монда
«Туган телләр һәм халыклар бердәмлеге елы" уңаеннан «Туган тел – халык байлыгы» - «Родной язык – богатство народа» республикакүләм онлайн шигырь укучылар бәйгесе үткәрелә.
Конкурсның оештыру комитеты:
- Казан шәһәре Киров районының «Билингваль катнаш төрдәге 7 нче номерлы балалар бакчасы” мәктәпкәчә муниципаль бюджет белем бирү учреждениесе;
- «Татнетны үстерү фонды” коммерцияле булмаган оешмасы.
Бәйгедә мәктәпкәчә белем бирү оешмаларында тәрбияләнүчеләр, өстәмә белем бирү учреждениеләре, белем бирү оешмаларына йөрмәгән балалар катнаша ала.
Бәйгедә яшь төркемнәре һәм категорияләре:
1 төркем: 3 яшьтән 4 яшькә кадәр (кертеп);
2 төркем: 5 яшьтән 7 яшькә кадәр (кертеп).
Катнашучыларга түбәндәге шартларны үтәргә кирәк:
▪️кайсы да булса шагыйрьнең бер шигыре яисә нинди дә булса шигъри әсәрдән өзек ике телдә – рус һәм Татарстан Республикасы территориясендә яшәүче башка бер халык телендә сәнгатьле итеп тәкъдим ителергә тиеш.
▪️30 секундтан 3 минутка кадәр дәвамлылыктагы әлеге чыгыш видео форматында чыгыш ясаган катнашучының әти-әнисенең Инстаграм яисә ВКонтакте аккаунтында урнаштырыла.
▪️Чыгыш вакытында паузалар һәм кадрлар алышыну булмаска, ә бәйгедә катнашучы һәрвакыт кадрда булырга тиеш;
▪️бер видеоязмада бер әсәр ике телдә яңгырый;
▪️әсәрнең темасына туры килерлек атрибутлар, музыкаль бизәлеш һәм башка чаралар кулланырга мөмкин;
видеоязма тасвирламасында бәйгене оештыручыларның аккаунтларын билгеләү мәҗбүри;
▪️катнашучының исем-фамилиясе, яше һәм яшәгән районы күрсәтелә. Гаризада, катнашучыларның теләгенә карап, белем бирү учреждениесе яисә әти-әнисенең исем-фамилиясе язылырга мөмкин.
▪️бер катнашучыдан бер генә гариза кабул ителә.
Иң яхшы дип табылган чыгышлар – җиңүчеләрнең видеоязмалары Бәйгене оештыручыларның социаль челтәрләрендә урын алачак.
- Бәйге 2021 елның 9 нчы августыннан 31 нче августына кадәр үткәрелә:
- гаризаларны кабул итү (материалларны урнаштыру мөмкинлеге) – 20нче августка кадәр;
- җиңүчеләрне билгеләү – 2021 елның 21 нче августыннан 22 нче августына кадәр;
- бүләкләү – 2021 елның 31 нче августыннан да соңга калмый башкарыла.
Барлык катнашучыларга да уңышлар теләп калабыз!