Татарстан укытучылары 12 мең ноутбук алачак. Димәк, бу уку елында педагогларның өчтән ике өлеше эш өчен яңа компьютерлар белән тәэмин ителәчәк. Бу хакта ТР Мәгариф һәм фән министры урынбасары Рәмис Музипов хәбәр итте. 

Аның сүзләренчә, Татарстанның мәгариф системасы «югары тизлекле Интернет белән тәэмин итү бурычын үтәгән». "Өстәмә һәм мәктәпкәчә белем бирү учреждениеләрен югары тизлекле интернетка тоташтыру эше дәвам итә. Бүгенге көндә гомуми белем бирү оешмаларын циффрлаштыру ягыннан барлык шартлар да тудырылган", — дип ассызыклады Музипов.