Китап киштәсендә тузан җыя башлаган искерәк әлифбаларда исә без белмәгән яки онытып барган әйберләр һәм сирәк сүзләрне дә очратып була. Кыскасы, үзе бер маҗара бу!

«Әлифба кайдан башлана» дип аталган музей дәресендә балалар татар язуының тарихы, борынгы китаплар, данлыклы әлифбалар һәм экспонатлар белән танышачак. Дәрес уеннар, кызыклы аралашу һәм күчтәнәчләр белән үрелеп бара.

3 кешедән 20 кешегә кадәр төркемнәр өчен үткәрелә. 1-5 нче сыйныф укучылары өчен кызыклы булачак. Дәвамлыгы — 45 минут. Алдан язылу сорала. 

Тулырак мәгълүмәт Татар китабы йорты ВКонтакте социаль челтәрендә: https://vk.com/tatbookhouse?w=wall-183652767_1885