Сишәмбе, 10 гыйнвар көнне, гражданнар тере чират тәртибендә Татар халкы һәм Татарстан дәүләтчелеге тарихы музеена, Татарстан Республикасының табигать тарихы музеена, «Манеж» күргәзмәләр залына һәм Ислам мәдәнияте музеена бара алачак.

«Эрмитаж-Казан» үзәгенә һәр ярты сәгать саен 10.00 сәгатьтән 17.00 сәгатькә кадәр кереп булачак. 13.30-14.00 сәгатьләрдә музей санитар эшкәртүгә ябылачак. Берьюлы 30 кеше керә ала, дип хәбәр итә «Казан Кремле»музей-тыюлыгының матбугат хезмәте.