VI сыйныф

Кайда ярлы, кайда зарлы, кайда моңлы күп була,

Мин шулар янында булам; алар белән килешеп була.

Юк аларда төрле катлау, юк аларда эч сере,

Тышлары керле вәләкин юк аларда эч кере...

Тау башына салынгандыр безнең авыл,

Бер чишмә бар, якын безнең авылга ул;

   Авылыбызның ямен, суы тәмен беләм,

   Шуңар күрә сөям җаным, тәнем белән.

АҢЛАТМА: "Туган авыл" шигыренең аудио нөсхәсе Татарстан Республикасының Мәдәният министрлыгы чыгарган "Күренекле шәхесләр" җыентыгыннан алынды.

Ишеттем мин кичә: берәү җырлый

Чын безнеңчә матур, милли көй;

Башка килә уйлар төрле-төрле, –

Әллә нинди зарлы, моңлы көй.

"Милли моңнар" ("Әллүки") шигыренең аудио нөсхәләре Татарстан Республикасының Мәдәният министрлыгы чыгарган "Күренекле шәхесләр" җыентыгыннан һәм Татарстан Республикасының Мәгариф министрлыгы заказы буенча чыгарылган "Габдулла Тукай. Шигырьләр" аудиоҗыентыгыннан алындылар.