Татарстан Республикасының Мәгариф һәм фән министрлыгы агымдагы елның март аеннан республикада “Республика зарядкасы” дип аталган проект башлануын хәбәр итә. Әлеге проект һәрбер белем бирү оешмасында уку көнен зарядкадан башлап җибәрүне күз алдында тота.

Рәсми хәбәрләргә караганда, Татарстан Республикасының Мәгариф һәм фән министрлыгы бу проектны нәтиҗәле итеп тормышка ашыру өчен чаралар күрергә тәкъдим итә. Беренче сменада укучылар өчен зарядка иртәнге сәгать сигез туларга унбиш минутта (7.45), икенче сменада укучылар өчен динамик пауза вакытында уздырыла. “Республика зарядкасы” проектын тормышка ашыру өчен укучыларның үзидарә ресурсларын файдаланырга киңәш ителә.

Чыганак: www.tat.tatar-inform.ru