Татар мәгарифе порталы
Сез монда
Билгеле булганча, быелдан Бердәм дәүләт имтиханы нәтиҗәләре теркәлгән таныклык югары уку йортларына керү юлламасы булып тора. Россинең 24 югары уку йорты гына өстәмә имтиханнар кертергә хокуклы. Әлеге исемлектә Татарстан уку йортлары юк.
Абитуриентлар өчен ташламалар да шактый каралган. Аларның һәрберсен карап чыгыйк.
Югары уку йортларына сынауларсыз алына:
1. мәктәп укучыларының Бөтенроссия олимпиадалары соңгы этабы җиңүчеләре һәм призерлары (олимпиада һәм укрыга кергән юнәлеш (белгечлек) профиле бер үк булган очракта);
2. мәктәп укучыларының гомуми белем бирү предметлары буенча халыкара олимпиадаларында Россия җыелма комдасы составында катнашучылар (халыкара олимпиада һәм укырга кергән юнәлеш (белгечлек) профиле уртак булганда);
3. Олимпия, Параолимпия, Сурдоолимпия уеннары чемпионнары һәм призерлары (физик культура һәм спорт өлкәсендә билгеле бер профилле белгечлекләргә укырга кергәндә);
4. Мәктәп укучылары арасында уздырылган 120 данә югары уку йортлары олимпиадалары җиңүчеләрен ташламалар белән алу-алмау һәр уку йортының үз иркендә. (120 олимпиаданың исемлеген беркетелгән файлдан табып була).
Конкурстан тыш укырга алынучылар:
• ятим балалар;
• инвалид-балалар;
• I нче группа инвалид әтисе яисә әнисе генә булган 20 яшькәчә гражданнар;
• РФ Кораллы Көчләрендә контракт нигезендә өч елдан да ким хезмәт итмәгән гражданнар;
• РФ Кораллы Көчләрендә контракт нигезендә хәрби хезмәт үтүчеләр.
Ташламаларга ия затлар:
• хәрби хезмәттән азат ителгәннәр;
• хәрби бурычын үтәгәндә һәлак булган хәрбиләрнең балалары;
• хәрби яра алу сәбәпле үлгән яисә һәлак булган затларның балалары.
Югары уку йортына кабул итү имтиханнары нигезендә түбәндәге затлар укырга алынырга мөмкин:
• сәламәтлекләре ягыннан чикле булган абитуриентлар (БДИ нәтиҗәләре булмау очрагында);
• урта (тулы) гомуми белемне 2009 елның 1нче гыйнварына кадәр алган гражданнар (кичке һәм читтән торып уку бүлекләренә укырга кергәндә);
• урта һөнәри белемгә ия булучылар бакалавриат һәм билгеле бер профильле белгечне әзерләү программасы буенча укырга кергәндә;
• чит ил мәгариф оешмаларында урта (тулы) гомуми белем алганннар;
• икенче югары белем алырга теләүчеләр;
• магистратурга укырга керүчеләр;
• академик справка нигезендә икенче яисә югарырак курска укуларын дәвам итәр өчен керүчеләр.
Беркетелгән файл | Күләме |
---|---|
120.doc | 1.15 MB |