Татар мәгарифе порталы
Сез монда
Бүген, 30 гыйнвар көнне, Казан шәһәре Авиатөзелеш районының 33 нче номерлы гомуми урта белем бирү мәктәбендә (Казан шәһәре, Авиатөзелеш районы, Симонов урамы, 17 нче йорт) Татарстан Республикасы гомуми белем бирү учреждениеләренең интернет-сайтлары конкурсы җиңүчеләрен тәбрикләү тантанасы үтте. Әлеге тантана сәгать унбердә "Казан" бию ансамбле чыгышы белән башланып китте.
Конкурста быел 5 номинация иде:
- сайтка иң оригиналь дизайн;
- иң мәгълүмати сайт;
- иң технологик сайт;
- кулланучылар иң күп керә торган сайт;
- укытучы һөнәренә багышланган иң яхшы сайт.
Иң беренче булып укытучы һөнәренә багышланган иң яхшы сайт авторларын бүләкләделәр. Әлеге номинациядә җиңүчеләр:
I урын - Сарман муниципаль районының тарих укытучылары сайты - http://www.istoriki.ucoz.ru
II урын - Казан шәһәренең 6 нчы номерлы гимназиясе - http://kzn-sch006g.edusite.ru
III урын - Казан шәһәренең 125 нче номерлы гимназиясе - http://school125.w2c.ru
Әлеге номинациядә бүләкләрне тапшырырга Татарстан Республикасы мәгариф һәм фән министры урынбасары А.И. Поминов та килгән иде.
Тантана дизайны иң оригиналь булган сайтларны бүләкләү белән дәвам итте. Әлеге номинациядә дә өч җиңүче сайлап алынган:
I урын - Казан шәһәренең 1 нче номерлы татар гимназиясе - http://teacher.tgim1.edusite.ru/romashka.htm
II урын - Яр Чаллы шәһәренең балалар һәм яшүсмерләр иҗаты сарае - http://gdtdim.ru
III урын - Яр Чаллы шәһәренең 82 нче номерлы кадетлар мәктәбе - http://www.kadet82.ru
Шулай да, сайт ясауда иң мөһим әйбер - аның нинди технологияләр кулланып ясалуында, аның функцияләре һәм мөмкинлекләре нинди булуда. Әлеге номинациядә җиңүчеләр түбәндәгеләр:
I урын - Казан шәһәренең 33 нче номерлы гомуми урта белем бирү мәктәбе - http://www.kazan33.ru
II урын - Казан шәһәренең 21 нче номерлы гимназиясе - http://g21.edusite.ru
III урын - Саба муниципаль районының Мишәбаш башлангыч мәктәбе - http://www.meshabash.narod.ru
Сайтта кулланучыны җәлеп итүче тагын бер иң мөһим әйбер - андагы мәгълүматларның сыйфаты һәм күплеге. Бүгенге көндә Татарстан Республикасында ике дәүләт телендә дә бертигез дәрәҗәдә мәгълүмат туплап килгән сайтлар иң зур кулланышка ия. Монда Татарстан Республикасында сайт ясаучы һәркем өчен Татарстан Республикасы Президентының (http://president.tatar.ru), Татарстан Республикасы Министрлар Кабинетының (http://prav.tatar.ru) рәсми сайтлары үрнәк булып тора. Алар бертигез дәрәҗәдә Татарстан Республикасының ике дәүләт телендә һәм инглиз телендә дә алып барыла.
Әлеге критерий буенча җиңүчеләр түбәндәгеләр:
I урын - Балтач муниципаль районының Балтач гимназиясе - http://baltasigim.info
II урын - Әтнә муниципаль районының Түбән Көек гомуми урта белем бирү мәктәбе - http://tkoek.narod.ru
III урын - Олы Чакмак гомуми төп белем бирү мәктәбе - http://bchekmak.narod.ru
Бүгенге заман интернет-сәхифәләре мәгълүмат туплап кына калмый, кулланучылар өчен аралашу, фикер алышу урыны да булып торалар. Жюри әгъзалары конкурсант-сайтларга кереп карап чыгып киткән кулланучылар санын гына түгел, бәлкем аларның никадәр кулланылышта булуларын, форумнарының активлыгын исәпкә алып нәтиҗәләр чыгарды. Бүгенге көндә интернет челтәрендә гади форум ясап кына калмыйча, аны татар теленә тәрҗемә итеп, татар телендә зур аралашу мәйданын тудыра алган Кушлавыч авылы сайты аеруча зур ихтирамга лаек булды. Җиңүчеләрнең тулы исемлеге исә түбәндә бирелгән:
I урын - Арча муниципаль районының Кушлавыч гомуми төп белем бирү мәктәбе - http://koshlaush.ucoz.kz
II урын - Саба муниципаль районының Байлар Сабасы гимназиясе - http://www.saba1.p0.ru
III урын - Яр Чаллы шәһәренең 79 нчы номерлы лицей-интернаты - http://litsey79.ru
Шулай итеп, Татарстан Республикасы Мәгариф һәм фән министрлыгы оештырган чираттагы конкурс тәмамланды. Киләсе конкурска әле бер елга якын вакыт бар. Конкурсны оештыручылар һәм жюри әгъзалары, вакыт әле күп булуга карамастан, ярышка бүгеннән үк әзерләнә башларга тәкъдим итте, укучылар һәм укытучыларның эшләрендә һәм укуларында уңышлар теләделәр.
Фикерләр
root
12 Апрель, 2010 - 13:32
Permalink
Приказ
Әйе. Әлеге приказ бар. Ул http://g2p.tatar.ru/rus/internet_sait3.htm адресы буенча урнашкан. Туры сылтама: http://g2p.tatar.ru/rus/file/pub/pub_44537.pdf
Кунак
11 Апрель, 2010 - 11:41
Permalink
Сайтларның III республика конкурсы
Гыйнвар аенда ук Татарстан Республикасы гомуми белем бирү учреждениеләренең Интернет-сайтлары арасында уздырылган III республика конкурсына нәтиҗә ясалды. Шул уңайдан Мәгариф министрлыгы приказ чыгардымы, номерын белүчеләр юкмы?
Кунак
31 гыйнвар, 2010 - 12:49
Permalink
интернет-сайтлар конкурсы
Исәнмесез! Ни өчен конкурсантларны полуфиналстларга бүлделәр, аннары финалистларга бүлделәр. Аннары шунысы аңлашылмый: сайтны тезүчеләр күбесе укытучылар бит! Заявканы укучылар исеменнән алалар. Безнең Татарстанда сайтлар саны 150 генэ түгел бит. Бик яхшы сайтлар конкурста катнашмый кала. Конкурсны ел башында ачып, ел ахырында нәтиҗә ясалса яхшырак булмыймы икән? Минемчә мәктәп сайтлары конкурс өчен генә эшләргэ тиеш түгел! Аларда мәгълүмат даими яңартылып барырга тиеш.Алар балалар, укытучылар һәм ата-аналар өчен эшләргә тиеш. Сайт белән идарә итүчеләргә дә караш икенчерәк булса иде!
http://www.goldensite.ru сайтында конкурс бик оешкан төстә бара!
Ә сезнең сайт белән даими танышып барам! СЕЗ БУЛДЫРАСЫЗ!!! Сезнең кебекләр мәктәпләрдә булса иде!!!! Уңышлар СЕЗГӘ!!!
Кунак
30 гыйнвар, 2010 - 21:54
Permalink
Сайтларның эчтәлеген,
Сайтларның эчтәлеген, эшчәнлеген гадел бәяләгән Раил Мәүлетовичка рәхмәт. Аңа исәнлек-саулык, уңышлар телим.