18 майда Спас районында Болгар балалар сәнгать мәктәбе базасында «Татарстан балалары изге Болгар җирендә» дигән музыкаль марафон узачак. Чараны Спас районы, Татарстанның Мәдәният министрлыгы һәм Болгар балалар сәнгать мәктәбе оештыра. Быегы марафонда Татарстанның Дәүләт киңәшчесе Минтимер Шәймиев һәм «Яңарыш» фонды директоры Татьяна Ларионова да катнашыр, дип хәбәр итәләр Intertat.ru газетына.

Марафонның идея авторы һәм сәнгать җитәкчесе - И.Әүһәдиев исемендәге Казан музыка колледжы укытучысы, Татарстанның халык артисты Люция Исмәгыйлова.

Концерт программасында республиканың сәнгать мәктәпләрендә укучы иң талантлы балалар чыгыш ясаячак. Шулай ук концертта И.Әүһәдиев исемендәге музыкаль колледж, Казан хореография училищесы студентларын да күрергә мөмкин булачак. Бәйрәм концертын Татарстанның һәм РФнең атказанган артисты Светлана Захарова алып бара.

Яшь талантлар марафонда чыгыш ясаганнан соң Болгар музей-тыюлыгына сәяхәт тә кылачак.

Чыганак: http://intertat.ru