Серле патшалыкта яшәгән ун туган.

Иң кечесе – 1 ле, олысы 10 лы булган.

Алар гаҗәеп тату, бик тә дус тату яшәгән.

Ару-талу белми тырышып эшләгән.

Туганнар шук булган, шаярган, сикергән,

Дәфтәр эчләренә, биштәрләргә кергән.

Мәсьәләләр чишкән, кушкан һәм дә алган,

Ә кайчакта бүлгән, кайчак тапкырлаган.

Телисезме? Әйдәгез бергәләп могжизалы Математика патшалыгына сәяхәт итик тә, ул илдә яшәүче кызыклы саннар белән танышыйк. Алар турында әкиятләр тыңлыйк, шигырьләр укыйк, төрле-төрле уеннар уйныйк!.. Рәхим итегез нәни дуслар!