Яңа уку елы башлану белән укучылар, студентлар өчен кызу көннәр китте. Сүз халыкара олимпиадалар турында бара. Чөнки аларда көндәшләр аеруча көчле, көрәш авыр, урыннар җиңел генә бирелми. Агымдагы елның 15 октябрендә “Планета эрудиты – 2008” (“Эрудит Планеты – 2008”) исемле VII Халыкара студентлар һәм мәктәп укучылары олимпиадасы старт алачак.

11 мавыктыргыч тур, 19 ил катнашучылары, җиңүче-командалар өчен махсус каралган “Яшь талантлар» Халыкара премиясенең 32 медале, 96 комплект бүләк, берсеннән-берсе авыр һәм шул ук вакытта кабатланмас, кызыклы 5280 сорау – болар барсы да олимпиада катнашучыларын көтә. Тулырак мәгълүматны Казан дәүләт техник университетының рәсми сайтыннан белә аласыз.