Мәскәүдә Татарстанның Россиядәге Вәкаләтле вәкиллеге һәм Татарстан якташлыгы заказы белән Муса Җәлилнең 110 еллыгына багышланган истәлекле юбилей медальләре чыгарылды.

Алар Муса Җәлил истәлеген һәм мирасын саклаган кешеләргә тапшырылачак. Берсе белән инде МДУ ректоры Виктор Садовничийны бүләкләделәр. 1927-1931 елларда Муса Җәлил МДУның әдәби факультетында укыган.

15 февральдә, Герой-шагыйрьнең туган көнендә, Мәскәүдә Муса Җәлил һәйкәленә чәчәкләр салачаклар, аннан соң Татар мәдәнияте үзәгендә тантаналы кичә узачак.