Социаль челтәрләрдә Брюс Ли “янәдән туган” дигән фикерләр еш яңгырый башлады.

Сәбәбе: Япониядә яшәүче алты яшьлек Рюдзи Имаиның, данлыклы кунг-фу мастеры һәм киноактер Брюс Лига охшатып, нунчакилар белән оста шөгыльләнүне күрсәткән видеоларның таралуында. Сабый яраткан актеры уйнаган “Үлем уены (Игра смерти)” һәм “Нәфрәт йодрыгы” (Кулак ярости) фильмнарындагы эпизодларын кабатлап, Брюс Линың мимикасы һәм сугышу алымнарын охшатып, аларны оста итеп күрсәтә. Әти-әнисе аны видеога төшерә һәм Facebook битенә урнаштыра. Бүгенге көндә “кечкенә Брюс Ли”ның 200 меңләп язылучысы бар.