- Укучылар, без сезнең белән гаилә тарихы яздык. Шушы иҗади эшебезгә нәтиҗә ясау өчен конференциягә җыйналдык. Аның темасы «Илебез тарихы - гаиләм язмышында» дип атала.

Бабамнар җиренең хакын хаклыйм,

Матурлыгын күңелемдә саклыйм.

Әйе, вакыт чаба... Яңадан-яңа буыннар җиргә килә тора. Буыннарыңны онытмас өчен үзеңнең нәсел агачыңны белергә иде. Әгәр без борынгы бабаларыбызны онытсак, берникадәр вакыттан соң безне дә онытырлар.

Туган илеңне ярату иң әүвәле үз гаиләңнән, үз авылыңнан башлана. Ата-бабаңнар узган юл - ул халыкның тарихы, илебез тарихы. Менә шуңа күрә дә җиде буыныңны белергә, белмәсәң эзләп табарга кирәк. Үз халкың, Туган илең белән горурлану хисе әнә шулай туа.