Быел Татарстанда ничә укучының татар теленнән имтихан тапшырганы билгеле. Бу хакта бүген Татарстан Хөкүмәте йортында узган брифингта сөйләделәр.

2018 елда 9 нчы сыйныфтан соң 1275 укучы ирекле имтихан буларак татар теле һәм әдәбиятын сайлаган булса, быел тугызынчы сыйныфны тәмамлаучылар арасында  саны шактый арткан, аларның саны  - 1400 кеше!

11 нче сыйныфтан соң татар теленнән Бердәм республика имтиханын барлыгы узган ел 24 укучы тапшырган булса, быел унберенче сыйныфны тәмамлаган 19 укучы гына татар теленнән белемен сынаган.

Татарстан вице-премьеры – мәгариф һәм фән министры Рафис Борһанов татар теленнән имтихан тапшыручылар киләчәктә үз һөнәрен филология белән бәйләргә теләүчеләр булганын әйтте.