7 июльдә Татарстан мәгариф һәм фән министры Илсур Һадиуллин җитәкчелегендәге Зәйдә Татарстан Республикасы Мәгариф һәм фән министрлыгы коллегиясенең “2022 елда Татарстан Республикасы чыгарылыш укучыларының дәүләт йомгаклау аттестациясе нәтиҗәләре” темасына утырышы узды.

Коллегия утырышында Зәй районы башлыгы Рәзиф Кәримов, ТР Мәгариф һәм фән министрлыгы коллегиясе әгъзалары, республика муниципаль районнары һәм шәһәрләре мәгариф бүлекләре (идарәләре) башлыклары, мәгариф бүлекләренең (идарәләренең) укыту-методик эше буенча башлыкларның урынбасарлары, министрлык хезмәткәрләре катнашты.

Татарстанда дәүләт йомгаклау аттестациясенең төп нәтиҗәләре турында Татарстан Республикасы мәгариф һәм фән министры урынбасары Минзәлия Закирова хәбәр итте.

Дәүләт йомгаклау аттестациясе-2022 һәм типик хокук бозуларга карата объективлыкка министр урынбасары - ТР Мәгариф һәм фән министрлыгының Мәгариф өлкәсендә күзәтчелек һәм контроль департаменты җитәкчесе Рәмис Мөҗипов чыгышы багышланган иде.

Ютазы районы мәгариф бүлеге җитәкчесе Сергей Абрамов бу елның дәүләт йомгаклау аттестациясе нәтиҗәләре, аңа буйсынган районда проблемалар һәм хәл итү юллары турында сөйләде.

ГИА-2022 не оештыру һәм үткәрүнең уңышлы тәҗрибәсе турында Яр Чаллы шәһәренең 5 нче урта гомуми белем бирү мәктәбе директоры Алмаз Адилов сөйләде.

Коллегиядә шулай ук ТР мәгариф системасын үстерүгә керткән өлеше, 2021/2022 уку елында дәүләт йомгаклау аттестациясен үткәрү, республиканың мәгариф системасын үстерүгә керткән өлеше, 2022 елгы бердәм дәүләт имтиханын оештырганда һәм уздырганда югары әзерлек дәрәҗәсе өчен Татарстан Республикасы Мәгариф һәм фән министрлыгының Рәхмәт хаты белән бүләкләнү узды.