Ялкын» журналы базасында «Кәеф» дип аталган медиалаборатория ачылды. Лаборатория «Татмедиа» бинасында урнашкан, ул җиһазланган өч студиядән тора. Алар һәрберсе функциональ һәм төрле локацияләргә бүленгән. Медиалабораториядә онлайн очрашулар өчен лекторий, презентация өчен сәхнә, подкастлар төшерү студиясе, вертикаль видеолар һәм фотолар өчен циклограма, туры эфир һәм стримнар уздыру урыны бар. Мәктәп татар, рус, чуваш, мари, удмурт телләрендә эшләячәк. Бирегә районнардан да укучы балалар чакырыла.  

Медиалабораториянең ачылышына блогерлар, студентлар һәм журналистлар җыелган иде. Кунакларга төрле викторина, җыр-биюле уеннар оештырылды.