Бүген Әгерҗенең Иж-Бубый авылында мәгърифәтче Бубилар истәлегенә багышланган VIII төбәк-ара Буби укулары уза. Кунакларны Әгерҗе районы башлыгы урынбасары Илфат Ямалиев сәламләде.

Гадәттәгечә укуларда Әгерҗе районы, Чаллы, Казан, Удмуртия һ. б. укытучылар һәм укучылар катнаша. Укучылар берничә секциягә бүленеп эшли. Ә аларның хезмәтен күренекле сәнгать һәм мәдәният эшлеклеләре бәяләячәк.