Укучыларда кирәкле күнекмәләр формалашсын өчен, һәркемгә таныш предметларны эчтәлеклерәк итәргә телиләр. Инициативалар турында мәгариф министры урынбасары Андрей Корнеев 10 июльдә Мәгариф комитеты утырышында сөйләде.

Тормыш иминлеге нигезләре урынына мәктәпләрдә "Ватанны саклау һәм куркынычсызлык нигезләре" предметын кертергә телиләр. Ведомство вәкиле  депутатлардан бу инициативаны хуплавын сорады, чөнки үзгәрешләрне "Мәгариф турында" канунга кертергә кирәк булачак. Мәгариф министрлыгының икенче тәкъдиме - предметлар исемлегенә «хезмәт (технология)» дәресен кертергә. Шулай ук ведомствода "хезмәт белеме", "профориентация" һәм "сызым" модульләре предметларын  да өстәргә тәкъдим итәләр.