Карачай-Черкес Республикасында «Туган тел һәм әдәбиятның иң яхшы укытучысы -2023» Бөтенроссия педагогик осталык конкурсы узды. Анда бөтен илдән 104 педагог катнашты. Казан мэриясе горурлык белән, шәһәрнең 41нче мәктәбе педагогы Айсылу Лотфуллина финалга чыкты һәм Россиядә туган тел һәм әдәбиятның иң яхшы биш педагогы исемлегенә керде, дип хәбәр итте.

«Туган тел һәм әдәбиятның иң яхшы укытучысы – 2023» конкурсының финал сынаулары Россиянең ике төбәгендә узды: 72 мәктәп педагогы Карачай-Черкес Республикасына, 32 тәрбияче Төньяк Осетия — Алания Республикасына килде. Быел конкурста Россия Федерациясенең 75 төбәгеннән 30 милләт вәкиле катнашкан.

“Туган тел һәм әдәбиятның иң яхшы укытучысы” Бөтенроссия һөнәри бәйгесе 23 сентябрьдә тәмамланды.