Россия цифрлы үсеш министры Максут Шадаев Tadviser Summit 2023 форумында  2025 елдан укытучыларны һәм табибларны төрле  планшетлар белән тәэмин итә башлаячаклар, дип белдерде. Планшетларны яңа елда сынап карарга, алар арасыннан иң яхшыларын сайлап алырга планлаштыралар.

Бүгенге көндә ноутбукмы әллә планшетлар отышларык булырмы дигән сорау белгечләрдә бәхәс тудыра. «Яңа программа кысаларында без уртак фикергә килеп, укытучыларга заманча планшетлар белән ярдәм күрсәтербез дип өметләнәбез», — дип сөйләде Шадаев.

Шадаев сүзләренчә, планшетлар «Электрон журнал, электрон контент белән эшләү, видеоконференция, чатлар белән эшләүдә заманча таләпләргә җавап бирергә тиеш. Министр шулай ук мәгарифне цифрлаштыру процессының эзлекле һәм этаплап баруын, мәктәпләрнең 98% ы интернетка оптика белән тоташтырылуын, Wi-Fi челтәрләре төзелә башлавын да билгеләп үтте.