2023 елның 28 ноябрендә Казанның 180 нче күп профильле полилингваль гимназиясе базасында Россия Федерациясе халыклары телләрендә укучыларның фәнни-гамәли конференциясе узды. Чара «2023-2030 елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү»дәүләт программасын гамәлгә ашыру кысаларында үткәрелә.

Конференция түбәндәге юнәлешләр буенча узды:

• рус филологиясе,
• татар филологиясе,
• чуваш филологиясе,
• удмурт филологиясе,
• мордва филологиясе,
• мари филологиясе,
• башкорт филологиясе.

Татар телендә укучыларның фәнни-тикшеренү эшләрен бәяләү буенча жюри составында Татарстан Республикасы Мәгарифне үстерү институты Татар теле һәм әдәбияты кафедрасы хезмәткәрләре һәм башка экспертлар эшләделәр.