Инде ничәнче ел рәттән 25–26 апрель көнне Татарстанның ике йөзгә якын варисы Габдулла Тукай туган якларга җәяүле экпедициягә чыга. Быел ул унҗиденче тапкыр үткәреләчәк. Сәяхәт маршруты гадәттәгечә: Казан–Арча–Кырлай–Кушлавыч–Арча–Казан.

Әлеге чара Татарстан Республикасының Мәгариф һәм фән министрлыгы һәм “Татарстан варислары берләшмәсе” исемле республика иҗтимагый оешмасы тарафыннан уздырыла. Быел ул Гаилә елына һәм Татарстан пионериясенә 85 ел тулуга багышланачак.

Экспедиция кысаларында варислар Арча районында урнашкан күп төрле музейларда кунак булачак. Шуларның берсе –“Әлифба” исемлесе аеруча игътибарга лаек. Биредә төрле илләр, халыкларның әлифбалары җыелган. Арада тарихи кыйммәткә ия данәләр дә бар.

P.S. Әлеге чара турында репортаж алдагы көннәрдә “эленәчәк”