ТР Мәгариф һәм фән министрлыгының матбугат хезмәте хәбәр итүенчә Түбән Кама шәһәренең 10нчы урта гомуми белем бирү мәктәбе укучысы Любовь Вахотина һәм Кадет интернат-мәктәбе педагогы Марина Трошина “Бүгенге көн сыйныф җитәкчесе” Бөтенроссия конкурсыннан лауреат исемен алып кайтканнар.

Әлеге чараны Мәскәүдә Федераль мәгарифне үстерү институты булышлыгы белән “Справочник классного руководителя” журналы үткәрә. Бәйгедә гомуми белем бирү оешмаларының сыйныф җитәкчеләре, һөнәри белем бирү оешмалары кураторлары, Россия Федерациясе төбәкләренең өстәмә белем бирү өлкәсендә хезмәт итүче педагоглар катнаша ала. Любовь Вахотина һәм Марина Трошина бәйгенең 10 лауреаты исемлегенә кергәннәр. Бүләк тә төшеп калганнардан түгел: “Справочник классного руководителя” айлык журналында мәкаләләр бастыру мөмкинлеге.