Казанның өч яшь галиме РФ Президенты стипендиясенә ия. Конкурста җиңү 2012-2013 нче елларда чит илдә белем алуны күз алдында тота. Мондый стипендиатлар Казанда өчәү генә, ә Россиядә - йөз. Ике стипендиат – КФУ Фундаменталь медицина һәм биология институтының магистранты Алсу Сәгыйтова һәм аспирант Рената Миңнуллина.

РФ Мәгариф һәм фән министрлыгы тарафыннан оештырылган ачык Бөтенроссия конкурсында вузларның галимнәре тәкъдим иткән, актив фәнни тормыш алып барган студентлар һәм аспирантлар катнашты.

Җиңүчеләргә чит илдә бер ел белем алган вакытта (фәнни стажировка) түләнә торган стипендиянең уртача күләме - 20-24 мең АКШ доллары.

Чыганак: http://tat.tatar-inform.ru